تعالوا نعلم بعض
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تعالوا نعلم بعض


 
الرئيسيةأحدث الصورالتسجيلدخول

 

 googleبيشتغل ازاى ............؟!!!!!!!!!!

اذهب الى الأسفل 
3 مشترك
كاتب الموضوعرسالة
DR_7ODA
مشرف قسم الناس الديجيتال
مشرف قسم الناس الديجيتال
DR_7ODA


ذكر
عدد الرسائل : 125
العمر : 34
المزاج : يعنى
تاريخ التسجيل : 15/10/2008

googleبيشتغل ازاى ............؟!!!!!!!!!! Empty
مُساهمةموضوع: googleبيشتغل ازاى ............؟!!!!!!!!!!   googleبيشتغل ازاى ............؟!!!!!!!!!! Emptyالأربعاء أكتوبر 15, 2008 11:25 pm


عالعموم في نقط سريعة سهلة حاقولكم ازاي googleبيشتغل ازاى ............؟!!!!!!!!!! Devilgoogleبيشتغل ازاى ............؟!!!!!!!!!! Devil


جوجل عبارة عن شركة في منطقة اسمها mountain view في كاليفورنيا ..
بدا كمشروع تخرج لطالبين و كسب بسبب " سرعته " !! .. حيث كان بيجوجل 100 صفحة في الثانية و بالمقارنة بمحركات البحث عام 97 كانت دي تعتبر اسطورة ..
بسرعة برضه تطور جوجل و بقى بشكله الحالي ..


المهم .. اللي بيحصل ان جوجل بيشتري سيرفرات ..



يعني ايه سيرفر و ليه بيقع



السيرفر عبارة عن جهاز قوي جدا نسبيا متوصل بالانترنت بسرعة عالية قوي موجود - في اغلب الوقت - في مكان شبه معمل بيسمى الداتاسنتر



googleبيشتغل ازاى ............؟!!!!!!!!!! Datacenter

سيبكم من البنت السكرتارية و ركزوا معايا ..



السيرفر ده بيستضيف ملفات عليه ..
كل ملف عبارة عن موقع .. فانت لما بتكتب مثلا ..http://t3alon3alemba3d.alafdal.ne متصفحك بيبعت رسالة لمواقع معينة بيعرف منها حاجة اسمها DNS للاسم bala6y.org .. الدي ان اس ده عبارة عن العنوان بتاع الداتا سنتر ..

يعني مثلا الدي ان اس بتاعنا بيعود لشركة اسمها futurehosting .. الشركة لما بيجيلها طلب من المتصفح بتاعك بيقوله :-
" اللي قاعد على الجهاز محتاج يخش على ملف على الداتا سنتر بتاعك اسمه ..نمنمنم .. بلاطي دوت اورج " ..


بعد الشاي و السلامات .. فيوتشر هوستنج او الشركة بتراجع الاسم و تشوف هو موجود في انهي نيلة .. قصدي في انهي داتا سنتر تلاقيه موجود في لندن ..

تروح محولة الطلب على طول لنطاق ايبيهات اللي تحت الدي ان اس بتاعها بتاع لندن .. فاهمين ؟

يعني انت لما بتبقى عايز تدخل على المودم بتعمل ايه ؟
بتكتب 192.168.1.1 .. او اي رقم ..
اول 6 ارقام عالشمال بتقول للجهاز انا عايز الشبكة المحلية .. و الرقمين الاخريين بيقوله انا عايز انهي جزء في الشبكة ..

فدلوقتي لما الشركة تبعت الطلب لفيوتشر هوستنج و هي تحوله للندن .. الداتا سنتر اللي في لندن بيشوف ايه هو اي بي بلاطي .. و يعمل وصلة مباشرة بين جهازك و بين الجهاز السيرفر اللي عليه ملف اسمه bala6y ..

بالمناسبة هو فعلا ملف googleبيشتغل ازاى ............؟!!!!!!!!!! Battingeyelashes .. يعني كانك بتجيب ملف تحط فيه الافلام .. في ملف اسمه بلاطي على جهاز سيرفر ..

لما بتدخل على ملف بلاطي بيتم تحويلك مباشرة على اي ملف يحمل اسم index.html .. لو ملقاش بيدور على ملف اسمه index.php .. لو ملقاش بيدور على ملف اسمه default.html و بعدين default.php ..



اول ما بتدخل على الاندكس .. بتشغل برنامج في بلاطي عبارة عن واجهة و قناة بقاعدة البيانات ..

بتدوس مثلا على موضوع .. ادخل و اكتب اللي انت عايزه ..
القناة تبعت طلب لقاعدة البيانات تقوله .. هات الموضوع ده ..
قاعدة البيانات فيها سكرتارية تجيب الموضوع بسرعة و ترميه في القناة فتظهر على الواجهة ..
تكتب انت رد ..
القناة بتبعته لقاعدة البيانات .. و قاعدة البيانات تحفظه جواها في شكل جداول ..
و هكذا دواليب دواليب ..


فلما يبقى في 100 عضو موجودين ..
بيكون في 100 قناة .. و السكرتارية مطالبة انها تنفذ استفسارات ال 100 قناة ..
فيبدا شغلها يبطا كا ما العدد يزيد .. لغاية ما تيجي في لحظة و السيرفر يقفل نفسه عشان يحافظ على السكرتارية لا تتحرق او تبوظ .




ايه لازمة كل العك ده ؟
عشان مش حتفهم يعني ايه بحث الا لو فهمت ده الأول ..

الرجوع الى أعلى الصفحة اذهب الى الأسفل
http://www.zedge.net
enas
مشرفة قســــــــم الصحة العامــة
مشرفة قســــــــم الصحة العامــة
enas


انثى
عدد الرسائل : 158
العمر : 35
المزاج : الحمدلله
تاريخ التسجيل : 05/10/2008

googleبيشتغل ازاى ............؟!!!!!!!!!! Empty
مُساهمةموضوع: رد: googleبيشتغل ازاى ............؟!!!!!!!!!!   googleبيشتغل ازاى ............؟!!!!!!!!!! Emptyالخميس أكتوبر 16, 2008 2:57 pm

السلام عليكم
موضوع مفيد فعلا حقيقى ماكنت بعرفها
جزاء الله عنا كل خير
الرجوع الى أعلى الصفحة اذهب الى الأسفل
DR_7ODA
مشرف قسم الناس الديجيتال
مشرف قسم الناس الديجيتال
DR_7ODA


ذكر
عدد الرسائل : 125
العمر : 34
المزاج : يعنى
تاريخ التسجيل : 15/10/2008

googleبيشتغل ازاى ............؟!!!!!!!!!! Empty
مُساهمةموضوع: رد: googleبيشتغل ازاى ............؟!!!!!!!!!!   googleبيشتغل ازاى ............؟!!!!!!!!!! Emptyالخميس أكتوبر 16, 2008 10:40 pm

يعني ايه العناكب او ال spider او ال Crawler


العناكب هي المادة الفعالة في محرك البحث ..
اللي انت بتشوفه ده عبارة عن سكرتارية و قعدة بيانات و قناة برضه ..
بس الفرق انك القناة بتاعت محرك البحث one way .. يعني مش زي بلاطي مثلا ممكن تضيف ليها او تقرا منها ..

اللي بيضيف لقاعدة بيانات محرك البحث هو العناكب و لا شيء غير العناكب ..

العنكبوت ده عبارة عن برنامج محطوط على سيرفر لوحده .. ليه ؟
ببساطة .. العنكبوت بيخرج من جحره " السيرفر " يقول يا هادي و يرش مية و
بعدين يروح ناطط في اي موقع او سيرفر معروف له قبل كده و يتصفح فيه كعضو
عادي ..
يدخل مثلا منتدى ابن اليمن ..

يلاقي فيه وصلة مكتوب عليها موقع الدي في دي العربي - DVD4ARAB.COM ... يروح مطلع رجل " نسخة برنامج منه " و حاشرها في منتدى الديفيدي ..و يقعد يتصفح برضه ..
يلاقي وصلة تالتة مكتوب عليها طب مصر || EgyMd.CoM .. يروح ناسخ نفسه مرة تالتة و يبعت رجل هناك تتصفح ..
تلاقي وصلة لموقع اسمه www.bal 6y.org .. يروح ناسخ نفسه مرة رابعة و يرمي رجل في بلاطي !!

و هكذا .. بطريقة تشعبية مذهلة يستطيع العنكبوت الواحد الموجود على
سيرفر نصفح مئات المواقع في نفس الوقت عن طريق ارجله اللي في كل مكان ..
المشكلة انه بيتشعب بمتوالية هندسية مش عددية .. يعني مش بينسخ نفسه كده ..
1.. 3 ... 5 ... 7 ... 9 ... 11 ... 13 ( لاحظ دي اسمها متولية عددية للناس اللي كانت ادبي googleبيشتغل ازاى ............؟!!!!!!!!!! Worried )
بينسخ نفسه
1 .. 3 .. 6 .. 12 ..24 .. 48 .. 96 .. ( دي اسمها متوالية هندسية و طبعا ملاحظين الفرق الرهيب رغم وجود نفس عدد التكرارات ) ..


كل نسخة بتتنسخ هي عبارة عن رجل او مجس للعنكبوت الرئيسي اللي موجود في احد سيرفرات شركة جوجل ضمن مجموعة العناكب الرئيسية ..

العنكبوت الواحد ليه مئات و ساعات الفا المجسات بتتصفح الموقع بطريقة معينة ..

فمثلا المجس مش بيشوف زيك صورة بلاطي او السمايلي ده googleبيشتغل ازاى ............؟!!!!!!!!!! Rollingonfloor
بيشوف بداله ( =.).) ) .. بس شيل النقط طبعا ) او صورة بلاطي بيشوف ليها
وصلة .. يعني بيشوف المادة الخام للموقع و اللي هي عبارة عن أكواد html و
php ( في بلاطي ) .. و دول لغتان من اللغات اللي بيتكتب بها الصفحات على
الانترنت ..


ياخد كلمة عشوائية مثلا " جوجل " في الموضوع ده
https://t3alon3alemba3d.alafdal.net/montada-f1/topic-t85.htm

يلاقي الكلمة اتكررت 10 مرات في الصفحة ..
يعمل حسابات سريعة و يستنتج ان كلمة " كفراوي " ليها اهمية خاصة في الموضوع ده ..
تليها كلمة " حصص " ... و كلمة " تسجيلات " ..
و هكذا .. حتى لو مش فاهمي يعني ايه الكلمات دي
ياخد من الصفحة دي الكلمات دي كلها و يسميها keywords و يرسلها لراس العنكبوت اللي موجود على سيرفر رئيسي ( فاكرينه ؟ ) ..
راس العنكبوت ترتب الكلمات دي .. ترفق بيها اسم الصفحة .. تامر المجس انه
يجيب جمل عشوائية و يرسلها لها .. و بعدين تحط كل النتايج في شكل جداول
oracle ..

في وظيفة ثانوية للمجس انه يرسل عنوان اي صفحة خارج الموقع يلاقيها
للعنكبوت الرئيسي و اللي المرة دي بيبعتها لمركز الرئيسي لجوجل عشان يخلي
اي عنكبوت تاني يصطبح بيها ويبدأ سايكل تانية .





يتبع
الرجوع الى أعلى الصفحة اذهب الى الأسفل
http://www.zedge.net
DR_7ODA
مشرف قسم الناس الديجيتال
مشرف قسم الناس الديجيتال
DR_7ODA


ذكر
عدد الرسائل : 125
العمر : 34
المزاج : يعنى
تاريخ التسجيل : 15/10/2008

googleبيشتغل ازاى ............؟!!!!!!!!!! Empty
مُساهمةموضوع: رد: googleبيشتغل ازاى ............؟!!!!!!!!!!   googleبيشتغل ازاى ............؟!!!!!!!!!! Emptyالأحد أكتوبر 19, 2008 11:59 am

ازاي انا بابحث ؟



انت تكتب في محرك البحث Google .. مثلا " تسجيلات دكتور الكفراوي " ..
بيعمل هو معادلات للكلمات المكونة للجملة دي و يطلع النتايج عن طريق البحث في قاعدة بيانات ال keywords اللي هو كان حافظها من زمان عن طريق العناكب بتاعته مترتبة حسب ال relevancy اولا ..
يعني هو حيفضل انه يطلع لك " تسجيلات دكتور الكفراوي " عن انه يطلع " تسجيلات محاضرات دكتور الكفراوي " .. فاهمين ؟

و لو ال keywords في الموقعين متشابهة بيبدأ يشوف تاريخ اضافة الصفحة دي لمحرك البحث ..
يعني مثلا انا حاططها من سنة .. جه موقع بعد 6 شهور و نقلها مني ..
يبقى انا ليا الاولوية ..
عشان كده المواضيع المنقولة بتفكس الموقع اثناء البحث .


لو مش قادر يحدد بالظبط تاريخ اضافة الصفحة .. بيشوف شهرة الموقع ... و اللي بتتحدد عن طريق المواقع اللي ذكرت اسمه على صفحاتها ..

مثال .. موقع dvd4arab مذكور في مثلا 50.000 موقع ..
موقع بلاطي مذكور في 100 موقع ..

يبقى الديفيدي ليه الاولوية ...


مثال اخر ..

موقع بلاطي مذكور على الديفيدي فقط
موقع *سين* مذكور على ايجي ميديسن و ابن اليمن و .. و .. و ,.,,


بلاطي يكسب و يطلع الاول .. ليه ؟
لان اهمية موقع الديفيدي العربي اعلى من اهمية المواقع التانية مجتمعة .. فبيفترض اني مهم زيه ..

بص الصورة دي

googleبيشتغل ازاى ............؟!!!!!!!!!! Prwu8


كل كورة من دول = موقع ... حجمها = حجم الموقع .. الايد اللي بتشاور = الاسم ده اتذكر في الموقع بتاع اللي بيشاور .




طب افرض اني مش عايز البحث يشملني ؟ عندي صفحات سرية مثلا ؟



[right]في اتفاقية كل محركات البحث ملتزمة بيها و هي سماع كلام ملف ال robot.txt ..
بص الروبوت بتاع بلاطي مثلا
http://bala6y.org/vb/robots.txt

اي موقع غالبا لازم تلاقي فيه الروبوت .. ده بيقول لمحرك البحث ادخل كذا و متدخلش كذا ..
سرعة دخولك السايت قد ايه ..
خريطة الموقع فين .. و هكذا بحيث يسهل المهمة على محرك البحث + يحافظ على خصوصياتي ..
( شرح ملف روبوت بلاطي سهل و عبيط بس مش شغلتنا دلوقتي googleبيشتغل ازاى ............؟!!!!!!!!!! Battingeyelashes ) ..













الخلاصة

محركات البحث زي جوجل و ياهو و ام اس ان .. بتبعت عناكبها ( من برمجتها ) زي Google Bot و Yahoo slurp! و MSN bot .. عشان تحط المواقع في جداول ..
لما تكتب انت كلمة البحث .. بيتم البحث في الجداول مش في المواقع بحد ذاتها ..
فعشان كده ممكن ووارد جدا انك تلاقي موقع موجود على محرك البحث بس لو دوست عليه متلاقيش صفحة موجودة ...



في تقنيات مختلفة لمحركات البحث بتختلف باختلاف البرمجة بتاعتها و خطة شركة البحث .. الشرح اليل فات هو الفكرة العامة ..

جوجل و جوجل ادسنس مثلا بيمتاز بالتوغل الرهيب .. يعني تلاقي 3-4 عناكب قاعدين يوم كامل عندك بيدخلوا كل الصفحات ..

ياهو سليرب بيمتاز بكثافة عناكبه .. يعني لو موقع كبير ممكن تلاقي 700 عنكبوت بيلفوا في الموقع ..


و الافضل طبعا جوجل الي بيمتاز بالرشاقة ( مش بيتقل الموقع ) و في نفس الوقت السرعة الجامدة في ادراج النتايج في محرك البحث .. يعني ممكن تلاقي موضوع كتبته بعد 6 ساعات في جوجل ...
الياهو ممكن ياخد شهر او اتنين لادراج الصفحات لانه بطيء جدا





انتهى
googleبيشتغل ازاى ............؟!!!!!!!!!! Smile

[/right]
الرجوع الى أعلى الصفحة اذهب الى الأسفل
http://www.zedge.net
ŤΉΈ₣ỜҲ
Admin
Admin
ŤΉΈ₣ỜҲ


ذكر
عدد الرسائل : 266
العمر : 36
الموقع : http://my.opera.com/THEFOXGALLERY/albums/
المزاج : وانتا مالــك ؟
تاريخ التسجيل : 25/09/2008

googleبيشتغل ازاى ............؟!!!!!!!!!! Empty
مُساهمةموضوع: رد: googleبيشتغل ازاى ............؟!!!!!!!!!!   googleبيشتغل ازاى ............؟!!!!!!!!!! Emptyالأحد أكتوبر 19, 2008 6:51 pm

شكرا يادكتور حودة علي الموضع الرائع..وعرفت منين اننا هنبص علي البنت
الرجوع الى أعلى الصفحة اذهب الى الأسفل
 
googleبيشتغل ازاى ............؟!!!!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تعالوا نعلم بعض :: منتديات تعالوا نعلم بعض :: الصـــــــالون العـــــــام-
انتقل الى: