| اسكتش على شكل حوار بين جد وحفيدتة عام 2070/2080 | |
|
|
كاتب الموضوع | رسالة |
---|
enas مشرفة قســــــــم الصحة العامــة
عدد الرسائل : 158 العمر : 35 المزاج : الحمدلله تاريخ التسجيل : 05/10/2008
| موضوع: اسكتش على شكل حوار بين جد وحفيدتة عام 2070/2080 السبت نوفمبر 01, 2008 6:38 am | |
| االسلام عليكم الحقيقة دة حوار انا كتبتة سنة 2007م يعنى السنة الى فاتت تخيلت فية الاجيال الى جاية بعد ستين سبعين سنة هتبقى عاملة ازاى الحوار دة الى انتوا هتقرئوة تحت تقريبا اخر ماتوصلت الية هو الحقيقة انا كدة حازفة منه شويه بعد القرائة عايزة اقرا رايكم و تعليقاتكم
حوار بين الجد وحفيدتة عام 2070/2080
الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدو الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا
الحفيدة : أيوه بس مش حاسس إنك مخنوق وانت لابسه؟ الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة
الحفيدة : ياه يا جدو .. ده انتوا كان ليكم تقاليد غريبة خالص الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا جدو؟ للدرجة دي؟؟
الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي
الحفيدة : يا خبر .. وإيه كمان ياجدو الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني
الحفيدة: ومين الست دي يا جدو الجد: في حد مايعرفش الست...نانسي عجرم طبعا الحفيدة : وبعدين الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح ..
)بعد عدة دقائق) هيه يا جدو .. وبعدين الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟ الحفيدة : 70 مليون بس؟
الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟ الحفيدة : ما هو علشان كده كان الجواز على أيامكم كان سهل خالص الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها
الحفيدة : ده انتوا كنتوا متزمتين خالص ياجدو!! الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيام
الحفيدة : رايح فين يا جدو الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو
مع جزيل الشكر اختكم فى الله ايناس | |
|
| |
ŤΉΈ₣ỜҲ Admin
عدد الرسائل : 266 العمر : 36 الموقع : http://my.opera.com/THEFOXGALLERY/albums/ المزاج : وانتا مالــك ؟ تاريخ التسجيل : 25/09/2008
| موضوع: رد: اسكتش على شكل حوار بين جد وحفيدتة عام 2070/2080 الثلاثاء نوفمبر 04, 2008 4:51 pm | |
| ايناس القسم دة معمول للتصاميم فقط الابداعات ..في الديزيجن..منقول | |
|
| |
enas مشرفة قســــــــم الصحة العامــة
عدد الرسائل : 158 العمر : 35 المزاج : الحمدلله تاريخ التسجيل : 05/10/2008
| موضوع: رد: اسكتش على شكل حوار بين جد وحفيدتة عام 2070/2080 الأربعاء نوفمبر 05, 2008 3:32 pm | |
| السلام عليكم اهاااااا يعنى مش قسم ابداعات اى حاجة بعتذر عن ها الخطا الغير مقصود منى بس ما قرات رايك بصراحة فى الاسكتش ولا قراتة قبل كدة هو الاسكتش دة يعتبر انا حطاه فى منتديات كتييير غير دة باسماء مستعارة صراحة . مع جزيل الشكر | |
|
| |
ŤΉΈ₣ỜҲ Admin
عدد الرسائل : 266 العمر : 36 الموقع : http://my.opera.com/THEFOXGALLERY/albums/ المزاج : وانتا مالــك ؟ تاريخ التسجيل : 25/09/2008
| موضوع: رد: اسكتش على شكل حوار بين جد وحفيدتة عام 2070/2080 الأربعاء نوفمبر 05, 2008 4:22 pm | |
| راي فكرة جميلة..مضحكة..بس وراها سخرية..من الزمن الي عايشين فيه..ياريت تحطي حاجات جديدة | |
|
| |
Hasan -----
عدد الرسائل : 160 العمر : 50 الموقع : www.cadmagazine.com المزاج : الحمد لله تاريخ التسجيل : 01/10/2008
| موضوع: رد: اسكتش على شكل حوار بين جد وحفيدتة عام 2070/2080 الأربعاء نوفمبر 05, 2008 7:39 pm | |
| السلام عليكم
بصراحه شديد و انا كنت بدور على الي كتبه لانه اخد صوره شبه واقعيه و ان كان بها بعض الفانتازيا
اخوكم حسن العسوس | |
|
| |
haniezz Admin
عدد الرسائل : 41 تاريخ التسجيل : 01/10/2008
| موضوع: رد: اسكتش على شكل حوار بين جد وحفيدتة عام 2070/2080 الخميس نوفمبر 06, 2008 12:06 am | |
| رائع يا ايناس منتظر منك المزيد | |
|
| |
ŤΉΈ₣ỜҲ Admin
عدد الرسائل : 266 العمر : 36 الموقع : http://my.opera.com/THEFOXGALLERY/albums/ المزاج : وانتا مالــك ؟ تاريخ التسجيل : 25/09/2008
| موضوع: رد: اسكتش على شكل حوار بين جد وحفيدتة عام 2070/2080 الجمعة نوفمبر 07, 2008 4:33 am | |
| فين تعليق الانسة ايناس.... علي تعليقاتنا | |
|
| |
enas مشرفة قســــــــم الصحة العامــة
عدد الرسائل : 158 العمر : 35 المزاج : الحمدلله تاريخ التسجيل : 05/10/2008
| موضوع: رد: اسكتش على شكل حوار بين جد وحفيدتة عام 2070/2080 الجمعة نوفمبر 07, 2008 8:28 am | |
| السلام عليكم بشكروا جدا على تعليقاتكم وارائكم المشجعة حقيقى اسعدتونى بارائكم بس ليا توضيح واحد صاحب مقولة (بس وراها سخرية..من الزمن الي عايشين فيه) لا الحقيقة مش سخرية من الزمن دة الجدهنا مش بيسخر من زمنة بالعكس هو مش عاجبة زمن حفيدتةوبالنسباله زمنة الى اتربى فية زمن رائع (الى هو انا فى الاسكتش اقصد بة زمنا الى عايشينةدلوقتى )وكان فية مبادى واخلاق وتقاليد محترمة مش شايفها فى الزمن الجديد الى هو زمن حفيدتة وعلى فكرة دية حقيقة لان كل ما يتقدم بينا الزمن الاخلاق والتقاليد والمبادى بتنحل شوية شوية وبالتالى هيبقى زمنا الى اتربينا فية هيبقى فية شوية اخلاق وتقاليد وعادات ومبادى عن الزمن الى انت هتعصرة وانت جد ان شاء الله الله يعطيكوا طولة العمر لكم من جزيل الشكر والتقدير | |
|
| |
ŤΉΈ₣ỜҲ Admin
عدد الرسائل : 266 العمر : 36 الموقع : http://my.opera.com/THEFOXGALLERY/albums/ المزاج : وانتا مالــك ؟ تاريخ التسجيل : 25/09/2008
| |
| |
enas مشرفة قســــــــم الصحة العامــة
عدد الرسائل : 158 العمر : 35 المزاج : الحمدلله تاريخ التسجيل : 05/10/2008
| موضوع: رد: اسكتش على شكل حوار بين جد وحفيدتة عام 2070/2080 السبت نوفمبر 08, 2008 8:12 am | |
| السلام عليكم بالطبع احترم وجهة نظرك وكل وجهات النظرالاخرى مع جزيل الشكر والتقدير | |
|
| |
ŤΉΈ₣ỜҲ Admin
عدد الرسائل : 266 العمر : 36 الموقع : http://my.opera.com/THEFOXGALLERY/albums/ المزاج : وانتا مالــك ؟ تاريخ التسجيل : 25/09/2008
| موضوع: رد: اسكتش على شكل حوار بين جد وحفيدتة عام 2070/2080 السبت نوفمبر 08, 2008 10:54 am | |
| ميرسي.. انسة ايناس وياريت تحطي حاجات تانية بنفس الشكل.... | |
|
| |
shaimaa fawzy مبدع NEW
عدد الرسائل : 6 العمر : 34 المزاج : الحمدلله عال العال تاريخ التسجيل : 20/11/2008
| موضوع: رد: اسكتش على شكل حوار بين جد وحفيدتة عام 2070/2080 الإثنين نوفمبر 24, 2008 6:17 am | |
| حلو يا ايناس الفكرة جدا ..وربنا يزيدك بس ان شاء الله مش هاتوصل لبيات سوسو فى الوضة....ايه رايك لو عملتيها سلسلة قصص بتكلم بنفس الأسلوب وبشكل متجدد وتسميها سلسة حوار بين زمنين | |
|
| |
gihan مبدع NEW
عدد الرسائل : 13 تاريخ التسجيل : 02/12/2008
| موضوع: رد: اسكتش على شكل حوار بين جد وحفيدتة عام 2070/2080 الثلاثاء يناير 13, 2009 5:44 am | |
| جاااااااااااااااااااااااااامد موت يا ايناس فى حياتى مقراتش اجمل من كده اسكتش فى منتهى الروعة والجمال مش مجماله والله حقيقة انتى اكنك حكيتى الواقع الى ممكن يكون بعد ستين سنة
عايزين نقرا اكثر من اسكتشات النوع ده شكراااااااااااااااااااااااااااااااا | |
|
| |
| اسكتش على شكل حوار بين جد وحفيدتة عام 2070/2080 | |
|