تعالوا نعلم بعض


 
الرئيسيةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 عادل بيمسح حمامات ...واحنا قاعدين....!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dark
مبدع NEW
مبدع NEW


ذكر
عدد الرسائل : 7
العمر : 30
تاريخ التسجيل : 03/01/2009

مُساهمةموضوع: عادل بيمسح حمامات ...واحنا قاعدين....!!!!   الأحد يناير 18, 2009 8:12 pm



سؤال من الاخر ......

عواطلي ولا بتشتغل .......

ولو بتشتغل .: بتشتغل ثابت ولا مؤقت ...

ولو بتشتغل ...: بتشتغل ايه ..وبتاخد كام .....؟!

ولو عواطلي بأه يا أكس لانس ..........

بتقضي حياتك ازاي ...وبتجيب مصاريفك منين ........!!


.........
مفيش شك ان الاسئلة دي في دماغك ودماغ كل الشباب اللي زيك ......


اتنين بيقتلو واحد عشان يسرقو الموبايل ...

ست بتاخد البنات تخطفهم وتسرق دهبهم ...

واحد بينتحر بعد فشله في الحصول علي وظيفة ثابتة ..(وده كان شرط اساسي قدام اهل خطيبته عشان يتجوز ..!)

يمزق جسد صديقه بسبب 10 جنيهات..!!

ينتحر مخنوقا بسلك كهرباء رخيص علي كوبري اكتوبر ..وليس في جيبه الا 2 جنيه وسبحة ..!!

السجن 10 سنوات لعاطل يسرق صاحب ورشة ..!

يقتلان سائق تاكسي لسرقة 40 جنيه ..!

فيه إيه يا جدعان ......كل دي جرايم وسوابق الواحد بيعملها عشان عاطل .......؟!!.......

هل ممكن واحد يقتل او ينتحر لانه فقير..!!

اعرف وأشوف فقرا كتير ..عايشين وبيحمدو ربنا لانهم فقرا مش اغنيا ...!!

هل البطاله ممكن تخليك تفكر في الانتحار.. فقط علشان الفلوس ؟؟!!

أكيد اللي بينتحر مش بينتحر لانه عاطل وفلوسة مفيش ....!!......

اللي بينتحر ده بينتحر لأن الشغل أكييييييد ..بيحقق للبني أدم حالة عقلية معينه

..واشباع نفسي احنا مش مقدرين اللي محروم منه .....................،


ونشوف الفيلم ...!





* عادل .......صباح البتنجان يا مصر .........!!



عادل شاب عادي زيك وزيي وزي اي حد .........الاكسلانس عادل عنده حاجة وعشرين حاجتين وعشرين ..يعني لسه صغير اوي كمان.

..الاخ عادل بيشتغل ...

الاخ عادل ...بيشتغل في كارفور...الاخ عادل متثبت ...الاخ عادل بيقبض مرتب( مبدأي) :120 دولار.......!!يعني 750 جنيه..

....طبعا قبل ما تتهمني اني بحسده ..

او سؤال زي انت مالك بيه ربنا الرازق ..؟....انا نسيت أقوللك ان ..:

الاخ عادل بيمسح حمامات كارفور ...............(وبردو فيها اييه ...)


والاخ عادل ..........سيريلانكي .............!!!!!!!!!!!!!!!


ايوه الاه عادل سيريلانكي ....جاي من سيريلانكا هو وأربعة تانيين ..اتنين مشيو علشان المرتب وحش ..!...

..وهو جه من سيريلانكا بعد ما مسك عقد الشغل بأيده في سيريلانكا ..يعني ضامن انه جاي والشغل موجود..!!

هنا يبقي القصة اتقلبت 155 درجة و نص ....!..............




مش مكفيكي يا بلد فيها (حسب احصاء الجهاز المركزي ..) 6 مليون عاطل ...منهم 95%متعلمين

(يعني بطالة متعلمين ..والحرفيين بسم الله مشاء الله )............خلاص مش ملاحقين عالناس اللي شغالة

تقومو تجيبو إشي سيريلانكي ...وإشي واحد من جزر الكوكو واوا ..علشان يمسحلكو الحمامات ...!! وبمرتب زي كدا ؟؟

خلاص الخدامات قلت في البلد ...عشان تبعتو تجيبو فليبينيات .....

لعيبة الكورة والموهوبين خلاص انعدمو ومش شايفينهم بيتخانقو علي مين يشوط الفاول ده وضربة الجزاء دي في الشوارع ...!!

...علشان تجيبو افارقة وعرب من بره ...!!

مش مكفيكو كل الرقاصات اللي ماشيين بيتدلعو في الشارع ...سايبينهم وبتتعاقدو مع رقاصات من روسيا ....!! وايطاليا ...!!..

وتجيبو بنات من اليونان وأمريكا علشان يتنططو في الكليبات ؟؟.!!!

قبل الفاصل ......(جهز اعصابك وامسك نفسك وبجد انا ما بهرجش ....)اسمع دي ..:

في حلقة من برنامج اختراق للمذيع اللامع عمرو الليثي .مع مييييييين ..:

الاستاذ أحمد العماوي وزير القوي العاملة ...واللي مسك الوزارة (امسسسسسسسك نفسك).....في حكومة السيد عاطف صدقي ....
وحكومة السيد

كمال الجنزوري ....وحكومة السيد عاطف عبيد !!وحكومة السيد أحمدنظيف ..
.(أي )!!!!! .....المهم السيد عمرو سأله :

...انتو ليه حتي الرقاصات بتجيبوها من روسيا .....والوزارة عارفة كدة ...وفي عقود عمل ليهم. وده حتي الرقص حرام وفسق وفساد ...!!

عارفين قال له ايه ,,,..........قال له ..:


انا ماليش دعوة .........دي وظيفة مطلوبة ..........عشان السياحة ...........أنا ماليش دعوة ....!!.....


( بعد ازنك فاصل أكسرلي كام كوبايةعشان أعرف اكمل الموضوع ...!)



* * *



ازاي البنت تشتغل ..وبسلامته قاعد في البيت ...!!




أهلا بيكم بعد الفاصل .....الفقرة الجاية هنتكلم فيها عن نقطة ماحدش اتكلم فيها قبل كدا........النقطة دي هتستفز بنات كتير اوي ...

وهي .......

أنا مش ضد ان البنت تشتغل ...او ان الست تمسك منصب ...او تصرف علي نفسها .....

بس أنا اعتقد ان طول مافي رجالة وشباب قاعدة في بيوتها ..وبتعمل جرايم وبتنتحر ...يبقي ليه نخليهم ونشغل الستات ..!!!!!!!

الستات تشتغل ..والبنات ماشي ....بس لما الراجل الاول ياخد الفرصة....كلام منطقي ...!................الاهم ...فالمهم...!!

مش اشغل الستات ..وأقعد الرجالة في بيوتها ...وبعد كدا نتكلم عن الجرايم والسرقة ..والاغتصاب ....!!

أذكر مرة كنت راجع من شغل ..(كان شغل مؤقت ..و كنت بتعب فيه جدا جدا جدا ....!)وراكب الاتوبيس والدراما جواه تبكي ...

اللي بتتخانق مع الكمساري علي ربع جنيه ..!..اللي عايز يزوغ من تمن التذكرة ...اللي بتكافح بسعاده ورضا لكي تلقي بجثتها الفيلية

(نسبة للفيل ...!..وسط أكداس البشر في الاتوبيس ..)..وسط الحر والزحمة
والتوتر والاختناق ,,,..أبص من الشباك ...

وألاقي بنت صغيره شكلها لسه جاية من الشغل ...لابسة من غير هدوم ..راكبة عربية اقسم بالله ما شفتها في أفلام الاكشن قبل كدا ..

ماسكة السيجارة ...وبتبصلي كأني من الفضاء الخارجي ..!........عايز بس اعرف المنظر ده ..ايه تأثيره علي شاب عاطل مافيش في جيبه

خمسة ، عشرة جنيه ...لو مافكرش في الجريمة بعد منظر البنت دي؟ .... ...لو مافكرش في الاغتصاب ..؟ يبقي غير طبيعي ..!!!!



* خد دول ...!!

* حاتم»، وهو شاب في العشرينات من عمره، حاصل علي دبلوم صناعي «قسم كهرباء» دفعة ٩٦،
ويتاجر في بيع الملابس الداخلية، ، يعمل حاتم في سوق الخميس منذ فترة لا
تقل عن ٥ سنوات، وكان في قمة استيائه عندما سألناه عن عمله في السوق، رغم
أنه يحمل شهادة، وقال: التعليم مابينفعش، لو كان التعليم وفر لنا شغل
ماكناش جينا هنا، دفعتنا كلمة «ماكناش» إلي سؤاله عن المقصود بها، فقال:
فيه هنا ١٢ شاباً حاصلون علي بكالوريوس ومؤهلات عليا بيشتغلوا في السوق.
( بالنص من المصري اليوم )


* (....) حاصل علي بكالوريوس الهندسة بتقدير جيد جدا واتنين شهادة امتياز من امريكا .......

يعمل الان في محل حلواني ...!!!.(ولن اكمل الخبر ولا تعليق غير صباح البتنجان يا مصر ..)....(نقلا عن مقال بلال فضل ..الدستور)


* (....) حاصل علي بكالوريس طب ..منذ سبع سنين ...........عنده ميكروباص ....!!(لاتعليق ..)

* (م . أ) 28 سنه ...حاصل علي مؤهل عالي ..لا يعمل ..يعيش مع والده ووالدته ...لا يمتلك مليم ...لم يتزوج ...!

* (إ. ع )...شرحه ..!!بنفس الكلام ..!!

*تجلس سعدية، التي يبلغ عمرها ١٩ عاماً، بجوار والدتها لتبيع «البامية»،
وتدرس سعدية في كلية الشريعة والقانون في جامعة الأزهر، لكنها تجد من
العمل في السوق فرصة مادامت الحكومة تعجز عن توفير فرص عمل، وتقول: نعمل
إيه.. نسرق يعني؟!

( من المصري اليوم بالنص ..!)


*كان آخر الباعة من حاملي الشهادات، خريج آداب عين شمس منذ ١٢ عاماً،
وعندما لم يجد عملاً اضطر إلي بيع البطاطس، ليصرف علي أسرته المكونة من ٥
أفراد، ورغم خبرته في السوق، فإن الرجل مازال يعاني من البلدية ودفع
الإتاوات وهو مضطر ليحمي «لقمة عيشه»، ويطالب بنقل السوق إلي مكان آخر

وأخيرا الموضوع لسه ماخلصش ...والمانع من الكلام التطويل ......والخوف من الملل ......لو عندك قصة عن حد تعرفه
أو رأي معين في الموضوع ده ...أرجوك ...ماتكسلش تكتبه .....من يكتم الشهاده آثم ....والساكت عن الحق ..كلنا عارفين يبقي ايه ...!!








حكمة الموضوع ...:


مفيش في جيبي جنيه
..ولا شغلة اجيب بيها الجنيه .
..والعيشة ماينفعهاش حتي الجنيه
بعد كل ده ....:

مستني مني أعمل ايه ...؟!! .

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ŤΉΈ₣ỜҲ
Admin
Admin


ذكر
عدد الرسائل : 266
العمر : 29
الموقع : http://my.opera.com/THEFOXGALLERY/albums/
المزاج : وانتا مالــك ؟
تاريخ التسجيل : 25/09/2008

مُساهمةموضوع: رد: عادل بيمسح حمامات ...واحنا قاعدين....!!!!   الإثنين يناير 19, 2009 11:06 am

دة مش موضع..دة..ممكن نقول عيه..ريبورتاج..او تغطية..بس اقلك حاجة مفيش شغل بس الحكومة بتوفر شغل..بس زبالين وعمال..مصانع .في شغل بس 350 جنيه و500 جنيه..لو انتا كنت محظوظ زي
في شغل بس انسي زمن الدلع وزمن ال12 ساعة شغل دلوقتي الشغل مفتوح..ممكن 14 و16..اه والله 16..بس تعالة.نبصلها من زاوية تانية احنا بنحسبهاغلط..مين قال ان الطب والهندسة احسن شغلانة..ليه منعملش للسباك والنجار والكهربائي نفس البرستيج..ساعتها هنهتم بالشغلنات دي..ونحاول نتعلمها..لو نفضنا لحوار..الكليات ودورنا صخ هنهرب من الجحيم دة مفيش نجار مش لاقي شعل ولا كهربائي لان الكهربة مش هتبطل تبوظ..,,
وسلملي علي ابن المحظوظة..بتاع كارفور..بس صراحة لو عرضوا علية الشغلانة دي..وهيدوني الفين جنيه..مش هقبلها.

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dark
مبدع NEW
مبدع NEW


ذكر
عدد الرسائل : 7
العمر : 30
تاريخ التسجيل : 03/01/2009

مُساهمةموضوع: ليه؟؟؟؟؟؟؟؟؟؟ظ   الإثنين يناير 19, 2009 1:38 pm

ŤΉΈ₣ỜҲ كتب:
دة مش موضع..دة..ممكن نقول عيه..ريبورتاج..او تغطية..بس اقلك حاجة مفيش شغل بس الحكومة بتوفر شغل..بس زبالين وعمال..مصانع .في شغل بس 350 جنيه و500 جنيه..لو انتا كنت محظوظ زي
في شغل بس انسي زمن الدلع وزمن ال12 ساعة شغل دلوقتي الشغل مفتوح..ممكن 14 و16..اه والله 16..بس تعالة.نبصلها من زاوية تانية احنا بنحسبهاغلط..مين قال ان الطب والهندسة احسن شغلانة..ليه منعملش للسباك والنجار والكهربائي نفس البرستيج..ساعتها هنهتم بالشغلنات دي..ونحاول نتعلمها..لو نفضنا لحوار..الكليات ودورنا صخ هنهرب من الجحيم دة مفيش نجار مش لاقي شعل ولا كهربائي لان الكهربة مش هتبطل تبوظ..,,
وسلملي علي ابن المحظوظة..بتاع كارفور..بس صراحة لو عرضوا علية الشغلانة دي..وهيدوني الفين جنيه..مش هقبلها.


ليه بس اقبلها وهنعملك برستيج وبعدين ده بيقبض بدولار ههههههه


عدل سابقا من قبل dark في الأربعاء يناير 21, 2009 12:13 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ŤΉΈ₣ỜҲ
Admin
Admin


ذكر
عدد الرسائل : 266
العمر : 29
الموقع : http://my.opera.com/THEFOXGALLERY/albums/
المزاج : وانتا مالــك ؟
تاريخ التسجيل : 25/09/2008

مُساهمةموضوع: رد: عادل بيمسح حمامات ...واحنا قاعدين....!!!!   الأربعاء يناير 21, 2009 3:12 am

لاياعم انا اشتغل نجار احسن..هههههههههه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عادل بيمسح حمامات ...واحنا قاعدين....!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تعالوا نعلم بعض :: منتديات تعالوا نعلم بعض :: الصـــــــالون العـــــــام-
انتقل الى: