تعالوا نعلم بعض


 
الرئيسيةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 اشهر الجمل الابوية اليومية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
DR_7ODA
مشرف قسم الناس الديجيتال
مشرف قسم الناس الديجيتال
avatar

ذكر
عدد الرسائل : 125
العمر : 27
المزاج : يعنى
تاريخ التسجيل : 15/10/2008

مُساهمةموضوع: اشهر الجمل الابوية اليومية   الخميس أكتوبر 16, 2008 11:22 pm

جايبلكم اشهر الجمل اليوميه اللي بيقولها الاباء والامهات في مصر .... يارب تعجبكم


*امشى جاتك مشش فى ركبك .


* جتها نيلة الى عايزة خلف تيجى تتفرج .


*ذاكر ياموكوس مش فالح غير فى الهيافه والكلام الفاضى.


* ربنا يرزقك بعيل يوريك اللي ورتهوني.


* هات كيس عيش وانت راجع.


* هو ده اللي انت فالح فيه طول الليل والنهار قاعد علي الزفت الكمبيوتر بتاعك لحد مهيجلك تخلف عقلي منه . (24 ساعة عليه)


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


*لما ما ترضاش تاكل في البيت:طبعا مانت اتعودت علي اكل بره . (أنا طبعا)


*ياريتك تحفظ دروسك زى مانت حافظ الاغانى.


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* والله ما انت فالح.


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم . (عدا بريزون بريك طبعا)


*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انته طالع لمين.


* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟. (أنا طبعا)


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط .


* احمد ربنا الاكل الى مش عجبك ده فى ناس مش لقينه .


* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهالكوا ابوكوا اللي ياكل في طبق او يشرب في كباية يغسلها ما يركنهاش في الحوض.


* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة
جاز أو على عامود النور الي في الشارع و نجح وخد الدكتوراه وسافر أمريكا (
ٌٌقال يعنى كان بيعرف يركذ والناس ماشيه حوليه فى الشارع )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.zedge.net
enas
مشرفة قســــــــم الصحة العامــة
مشرفة قســــــــم الصحة العامــة
avatar

انثى
عدد الرسائل : 158
العمر : 29
المزاج : الحمدلله
تاريخ التسجيل : 05/10/2008

مُساهمةموضوع: رد: اشهر الجمل الابوية اليومية   الأربعاء نوفمبر 05, 2008 6:41 am

السلام عليكم
يا الله انا مش عارفة انت افتكرت كل الجمل دى ازاى
كل دة شايلة جواك
انت تقريبا ماسبت حاجة تانى ممكن تتقال
مع جزيل الشكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ŤΉΈ₣ỜҲ
Admin
Admin
avatar

ذكر
عدد الرسائل : 266
العمر : 30
الموقع : http://my.opera.com/THEFOXGALLERY/albums/
المزاج : وانتا مالــك ؟
تاريخ التسجيل : 25/09/2008

مُساهمةموضوع: رد: اشهر الجمل الابوية اليومية   الأربعاء نوفمبر 05, 2008 7:28 am

هههههههههههههههههههههه..انتا جبت كل الجمل الموثقة..عند الاباء.....وحوة متمشيش فمظاهرات امشي جوة الحيط

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اشهر الجمل الابوية اليومية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تعالوا نعلم بعض :: منتديات تعالوا نعلم بعض :: الصـــــــالون العـــــــام-
انتقل الى: