الوصايا السحرية لتعلم اللغات الاجنبية

أى فرد فينا أتعلم قبل كدا لغات أجنبية فى المدارس و الكليات و عرفيين مدى صعوبة أن الانسان يوصل لمرحلة انها تبقى بنفس طلاقة اللغة الأساسية. أنا بقى جبتلكوا انهردة
وصايا سحرية من تيتا لغوية
بس الأول هديكوا نبذة مختصرة عن تيتا لغوية,
تيتا لغوية هيا ست كبيرة أخدت اللغات فى المدرسة و بدأت تنمى نفسها فيهم بالوصايا اللى هقولهالكوا دى
بعتذر على اسلوب الكتابة العامية بس انتوا عارفين الستات الكبار تلقائيين و بسطاء.
نيجى للوصية الاول:

1) أوجد لك صديق للمحادثة معه:
حاول تلاقى حد حوليك من أصدقائك تنمى معاه اللغة بس يكون هو طبعا اللغة قوية عنده و تدريجيا هتتجرأ معاه انك تسأله اسئلة عن كيفية النطق السليم و معانى الكلمات و حاولوا تتناقشوا فى مواضيع مختلفة كتيرة عشان تقدر تحصل اكبر قدر من معانى الكلمات.
( تيتا بتقولوكوا لو مش لقيين حد ادخلوا على الموضوع دة و قولولها بس و هيا مستعدة تحدد معاكوا وقت و تعمل معاكوا محادثة كتابية عن طريق النت عشان تنموا بيها الكتابية الصحيحة للغة)

2) اتفرجوا على التلفزيون
: وصية طبعا الكل اما يصدق يعملها بس فى شرط بسيط تكون القناة باللغة اللى انتوا عوزينها يعنى لو عوزين انجليزى مثلا مالهاnile tv] ولا حتى افلام] . فى الاول هتحسوا ان الممثلين بيتكلموا بسرعة لو حسيتوا كدا اطمنوا و بلاش يأس استمروا فى الفرجة و تدريجيا هتلاقوا ان الكلام بدأ يتضح و الحياة بدأت تنور معاكوا. (نصيحة بينى و بينكوا ابدأوا الاول ببرامج الاطفال لان الكلام فيها بيكون سهل و بسيط بيعلموا الاطفال المبادئ و دة اللى احنا عوزينه)

3)اسمعوا اللغات كتير:
فى طبيعة من عند ربنا ان الطفل اما بيبدأ يوعى للى حوليه بيبدأ يسمع اللى حوليه بيقولوا و من هنا بيكبر متعلم اللغة بتاعة البلد اللى عايش فيهاز بالسمع هنلاقى اننا بنعرف كلمات جديدة و تكوينات نحوية لجمل مختلفة و كمان اللكنة نفسها. الاستماع للاشياء شئ سهل و بسيط حتى لو كان معندناش وقت فممكن اثناء محنا فى العربية نشغل الردايو على محطة اجنبية و نسمع النشرة مثلا ( اعتقد معندناش كدا حجة تيتا قفلت كل الحلول حتى لو قلنا مفيش وقت دة مش مبرر لينا عندنا راديو ممكن نسمعه )

4)اقروا كتير:
هاتوا جرايد اجنبية او كتب او حتى قصص و اقروها بس متعقدوش نفسكوابحجات كبيرة كل واحد عارف مهاراته كويس فى اللغة فهاتوا اللى يناسب اللغة عندكوا و تدرجوا فيها و لو يكن القصص القديمة اللى كنا بناخدها فى المدارس كخطوة اولى و لو حتى مش عوزين نشترى كتب او مش عرفين نجيب الكتب ولا الجرايد منين ممكن ندخل على النت و نفتح اى موقع بحث و نكتب فى جرايد اجنبية او foreign newspaper او اللغة اللى عوزين ننميها عندنا مثلا/english newspapers] لو عوزين نتعلم الانجليزى و ممكن برده نكتب]english stories للقصص و ممكن children storiesللقصص بتاعة الاطفال كمرحلة اولى لتعلم اللغة.

5)اكتبوا:
تلخيص للقصص او المواضيع اللى قريتوها او سمعتوها او حتى فيلم اتفرجتوا عليه و حاولوا تستخدموا فيه الكلمات اللى كنتوا سمعتوها او اتعلمتوها من المصدر بتاعكوا.

بكدا تبقى تيتا شملت الاربع مهارات لتعلم اللغات: 1) السمع 2) القراية 3) الكتابة 4) التحدث

بالنسبة لمنتدانا هنا ان شاء الله هنبدأ نشتغل على المهارات الاربعة بس الاول هنبدأ بدروس grammer
و فى النص هنبدأ ندخل الرفايع البسيطة فى اللغة.

السلام عليكم
وصايا رائعة فعلا
شكرا سارة على ها لمجهود الرائع
لكى منى جزيل الشكر والتقدير

مبدع NEW عدد الرسائل : 1 تاريخ التسجيل : 06/12/2008

جزاكي الله خير وصايا مفيدة جدا